Gianunsyo nga moundang na sa pag-arte ang sikat sa tibuok kalibotan nga aktor nga si Bruce Willis human nasuta nga adunay aphasia. Gianunsyo sa iyang pamilya nga tapuson na sa aktor ang iyang career.
Nasayran nga niundang sa pag-arte ang sikat nga American actor nga si Bruce Willis tungod sa aphasia.
Sa pamahayag sa pamilya ni Willis sa social media, nasayran nga nag-antos sa aphasia ang 67-anyos nga aktor ug mitapos sa iyang career.
"Isip iyang pamilya, gusto namon ipaambit nga ang among minahal nga si Bruce nag-antos sa pipila ka mga isyu sa kahimsog ug bag-o lang nadayagnos nga adunay aphasia nga nakaapekto sa iyang mga abilidad sa panghunahuna. Mao nga niundang siya sa iyang career."
Si Willis, nga nagsugod sa pag-arte sa Broadway kaniadtong ulahing bahin sa 1970s, nagbida sa daghang mga prominenteng pelikula sa iyang tunga nga siglo nga karera, sama sa Moonlight, Pulp Fiction ug Die Hard.
Ang Aphasia nailhan nga usa ka sakit nga makaapekto sa abilidad sa pagsulti, pagsulat ug pagsabut, nga nagpugong kanila sa pagpakigsulti.
Mahimo nga una nga mokomentaryo